أهداء إلى خطيبتي:) السابقة;) ههه

أحسن حاجة أنك سبتيني حليتي عني وريحتيني
أوعي أمال ترجعي في كلامك عايزك تتمسكي بخصامك
حتى أن جيت وبكيت قدامك يومها يا ريت تبقي تصديني
يوم المنى يوم ما أخلص منك غوري في داهية أن شاالله ما عنك
كنت هموت من الغيظ لو أنك باقية عليا وبتحبيني
حبك ده كان زي العلة خلا الدنيا في عيني مملة
دانا من الفرحة كسرت القلة غير طبقين من طقم الصيني
كنا يوماتي نروح نتمشى وأما نجوع طبعا نتعشى
لما كنستي الجيب بمقشة منك لله شحتيني
وف يوم عيدك عايزة هدية كان الجيب مفيهوش نقدية
رحت رهنت هدومي عليا قللتي برافو وشجعتيني
وأتغربت سنين علشانك لجل ما أجيب بنسك ولبانك
وأما الناس زنوا على ودانك زي لبانك طرقعتيني
ولما طلبتي نحجز شقة رحت معاكي مقلتش لأ
طلع البيت مرهون على زقة فى الزلزال قال باي يا شاريني
شفتي أزاي كان حبك نقمة دانا ندمان وحياة النعمة
أني ما جبت بدالك جذمة أصل المشي الحافي كاويني